Yndislegu vinkonur okkar Dagný & Carina létu pússa sig saman síðasta laugardag. Dagurinn var frábær í alla staði og við skemmtum okkur rosalega vel.
Þær voru náttla svo fallegar að ég var hálfa veisluna að jafna mig eftir kirkjuna. Við Una sætum saman í kirkjunni og börðumst við að halda krókudílatárunum í skefjum, hvor annari verri.

Þær klæddust fötum frá Eva&Eva sem voru alveg super flott enda ekki við örðu að búast  þar sem þær eru svo flottar sjálfar!
Annars voru páskanir frekar rólegir bara hjá okkur.Kiktum með Auði&Smára til Keflavíkur að skoða svæðið þar sem herinn var. Þetta er ekkert smá mannvirki sem að þeir skildu eftir sig, ég held að þarna hafi búið um 5000 manns og við sáum 1 á meðan við vorum þarna. Við fengum okkur göngutúr um svæðið, lékum okkur í rólunum og Smári tók myndir.
Annars er Maggý mín bara búin að liggja i veikindum svo að ég er bara búin að vera heima og stjana við hana.

Ég er búin að vera halda námskeið á vegum vinnunar og áttaði mig á því hversu rosalega leiðinlegur nemandi eg hef verið...það er nefnilega alveg ÓÞOLANDI þegar fólk er á msn á meðan maður er að kenna..ég var ekki ódugleg við að einmitt!
Annars er margt spennandi um vera í vinunni, ég er að fara til Ísafjarðar,Akureyrar, Húsavík og til Vestmannaeyjar á næstunni sem verður bara gaman.

Eva Björk

Ég er svona rétt að venjast því að vera ekki alltaf með sífellt samviskubit yfir því að eiga að vera læra. Núna byrjar dagurinn kl 9 og er til 17 eftir það er algjörlega frjáls tími! Ég er búin að vera ótrúlega dugleg við að fá heimsóknir & fara í heimsóknir. Finnst núna eins og ég hafi bara tíma í allt sem að ég var alltaf að setja á hold. Nema fara í ræktina, það prógramm er ekki alveg komið inn. Við Maggý erum með þetta fína kort í Baðstofuna og erum sama og ekkert að nota það...öss!


Maggý mín er að fara til N.Y í byrjun apríl á svo spennandi námskeið fyrir tannsmiði. Sem að þýðir að ég verð ein heima á meðan og allir velkomnir í heimsókn. Ég var reyndar fljót að panta litlu systir til þess að koma og vera hjá mér eitthvað af tímanum. Ekki alveg að leggjast vel í mig að sofna alein í þessu stóra húsi.

Á laugaradaginn eru svo fallegu vinkonur okkar að fara gifta sig! Maggý fór í dag með þeim á æfingu í kirkjunni þar sem hún er svarakona Dagnýjar og kom heim hálf klökk yfir þessu öllu saman.Hlökkum mikið til dagsins!

Well þetta var update mánaðarins
E.Björk

Eftir þriggja ára púl kom loksins að því að ég útskrifaðist sem viðkskiptafræðingur. Dagurinn gekk bara vel og var alveg yndislegur í alla staði. Eftir útskriftina var smá veisla hjá mömmu og það var bara eins og ég væri að fermast aftur ég fékk svo mikið að gjöfum. Eftir veisluna fórum við ljónynjurnar ásamt Elvu&Örnu á Domo að borða. Það var svo gaman að hitta stelpurnar og sitja bara í rólegheitum með þeim. Þær voru nú samt í smá meira stuði en við Maggý svo að þær héldu áfram eftir að við fórum heim.

Takk allir fyrir að koma, fallegu gjafirnar og yndislegan dag!

Var að lesa stjörnuspánna mína á mbl og er frekar forvitin

Ljón: Í kvöld öðlast örlög þín meiri dýpt og ný persóna kemur inn í myndina. Hún er eins og gáta vafin inn í leyndardóm sem er vafinn inn í dulmál. Og þú vilt meira!

Hlakka til kvöldsins!

 

Ég byrjaði aðeins í gær að fara yfir fataskápinn minn þar sem að það styttist í flutninga. Í dag þá finn ég ekki neitt í honum það er ekkert skipulag og bara alltaf of mikið af fötum! Ég henti öllu út og byrjaði á að sortera það sem að ég nota vs. því sem er bara þarna inni og ég fer aldrei í en VERÐ samt að hafa í skápnum. Þá hófst að endurskipuleggja, ég er mikið fyrir að geta flokkað allt en það gekk hálf illa þar sem að ég t.d farin að flokka allar röndóttarpeysur sér og ekki eins og ég eigi mikið af þeim....ekki alveg með skápaplássið fyrir það í K-9. Ég vildi helst fá einhvern til þess að koma og flokka þetta allt svo að það sé bara eitthvað system á þessu...INGUNN-býður þú þig fram?

H-2 er komin á fullt skrið Dóri&Villi snillingar eru búnir að vera að flísaleggja alveg á milljón. Búnir með eldhúsið og langt komnir með baðið.Reyndar var ákveðið að skipta líka um parket svo að við erum búnar að vera rífa gamla af og á milljón að skoða okkur nýtt. Ég held að það sé bara ekkert upprunarlegt eftir.

Amma sæta er á fullu að undirbúa útskriftina mina - hún er það besta sem að ég á!

Ég er búin að vera velta því fram og tilbaka með hvort að ég eigi að halda útskrift núna 19 janúar. En þar sem að ég er gott sem og heimilislaus þá er ekki auðvelt fyrir mig að fara halda stóra veislu. Svo að ég er svona að hallast að því að vera bara með smá kaffiboð fyrir famelíuna heima hjá mömmu og kíkja svo bara til Stellu&Gurry þar sem að þær verða grand á því og halda þetta fína partý.

Eftir að ég verð flutt ætla ég bara að slá tvær flugur í einu höggi og bjóða í útskriftar/innflutnings PARTÝ.

H-2 framkvæmdir ganga annars bara mjög vel núna, það er alveg ótrúlegt hvað það tekur langan tíma allir þessir smá hlutir og manni finnst bara eins og ekkert sé að ganga. En núna fer að sjást einhver árangur þar sem að baðið kom upp í gær og Dóri kemur að flísaleggja í dag. Vonandi fáum við svo innréttinguna um helgina.

Við kíktum á Kollu&Lilju í gær að skoða Felix Skafta sem svaf bara vært allan tímann. Hann var alveg yndislegur og okkur hlakkar mikið til  að kynnast "litla" manninum.

Helgin er vel plönuð, á föstudaginn ætlum við út að borða á DOMO og svo  í GLIMMER afmælispartý til Evu Maríu. Laugardagurinn fer í íbúðina og svo notarlegheit um kvöldið með Ingu&Mumma og gulldrengnum okkar BERKI ELÍ. 

Þá vitið þið hvað við erum að fara bralla!

E.Björk     

Man eftir því að ákveðin stúlka sagði mér að árið 2007 mundi svo sannarlega verða mitt ár. Ég held að þessi spádómur hennar hafi bara ræst því að þetta ár er búið að vera alveg frábært!

Þetta stendur upp úr:

Ég kláraði BS gráðuna mína í Alþjóða viðskipta&markaðsfræði sem var rosalega góð tilfinning. finnst samt frekar skrítið núna að vera ekki að fara byrja í skólanum núna í janúar þar sem að ég er búin að vera samfellt í skóla í 6 ár. Maggý byrjaði í Bifröst og stóð sig eins og hetja!

Ótrúlegt er satt er ég búin að vera á leiðinni til tannlæknis í mörg mörg ár að láta taka úr mér endajaxlinn. Eftir góðan undirbúning þá lét ég á slag standa og hann var tekinn. í maí ákvað ég að breyta til og skipta um vinnu. Ég byrjaði að vinna sem vörustjóri hjá Sjóvá og mér líkaði svo rosalega vel að ég ákvað halda áfram eftir að ég kláraði skólann. Núna er ég að fara taka við nýju starfi þar og hlakka ég virkilega til að taka á þeirri áskorun

Ferðlög voru minni á þessu ári en vanalega. Fljótlega í byrjun ársins fór ég í hina árlega ömmu&Evu ferð til Berlinar. Við skemmtum okkur konunglega vel í þessari ferð eins og vanalega. Það var verslað og skoðað af fullum krafti. Svo í sumar fór ég með Maggý minni til Barcelona þar sem að hún átti afmæli.Eftir að hún var búin að fá fullt af vísbendingum sem voru faldar um alla íbúð fann hún út hvert við værum að fara. Við gistum eina nótt á rosalega flottu lúxus hóteli þar sem að var dekrað þvílíkt við okkur. Vorum svo vægast sagt mjög duglegar að versla ásamt því kíktum við til Sitges og láum á ströndinni.Þvílík sæla!

Eftir mikla og langa íbúðaleit fundum við draumaíbúðina okkar í Kópavoginum. Við fengum hana afhenta í byrjun desember og síðan þá höfum við verið að vinna við að breyta og bæta. Ég eignast mitt fyrsta verkfæri – málband! Auk þess sem að ég er búin að vera gera hluti sem að ég hélt að ég gæti aldrei gert með allskonar tækjum og tólum.

Mikið var um barnatal og börn þetta árið. Þann 9 nóvember kom guðsonur okkar í heiminn, hann Börkur Elí. Við fórum upp á sjúkrahús og kíktum á hann þegar hann var 2 daga gamall og jesusminn...við urðum bara báðar klökkar. Við erum búnar að vera mjög duglegar að koma við hjá Ingu&Mumma til þess að knúsa hann og þau.Kolla&Lilja enduðu svo árið með því að koma með fallega Felix Skafta. Hlökkum mikið til að kynnast litla manninum.

Ég var dugleg við að hitta vini mína og var svo heppin að kynnast fullt af frábæru fólki þetta árið.

Matarklúbburinn var aktívur og fór næstum því heilan hring

Hlakka til að vita hvað gerst 2008  

-Eva Björk -

Hvað er með þetta verkfall Hollywood á það ekkert að fara leysast?

 Þetta er alveg að rugla röðinni hjá mér í þátta-glápi..núna man ég ekkert um hvað allir þessir þættir sem að ég var að horfa á eru um- Argasti dónaskapur bara!

 

Við Maggý erum búnar að vera rosa duglegar í framkvæmdum í H-2 þó svo að þetta gangi nú ferkar hægt fyrir minn smekk. Ég er þó búin að afreka það að prófa að nota skrúfjárn, hamar og kúbein,,nokkuð gott!

Erum búnar að vera í innréttinga leiðangri síðustu daga og erum að láta teikna fyrir okkur á tveimur stöðum, hlökkum til að sjá hvað kemur út úr því.

Helgin var annars bara róleg, kikti á guðson minn hann Börk Elí, laufabrauð til ömmu og á Frostrósir.

 

Later

E 

 

 

 

 

 

Ég var svona aðeins að spá í því hversvegna ég var að opna þetta blogg aftur þar sem að ég hef ekkert að merkilegt að segja....allir dagar eru svipaðir núna, nema að í dag er ég að lesa kafla 4 og 5 ekki 1 og 2.

Tíminn líður ótrúlega hratt alltaf, ég bara rétt sest niður og les smá..búmm 2 klukkutímar!

Nema í morgun þegar það kom gestafyrirlesari að tala um hvering B2B getur notað internetið..jesusminn...fyrsta lagi þá talaði hann eitthvað tölvumál sem að ég skildi ekki einu sinni...orða á við META-TAGES og svo talaði hann líka bara eiginlega stanslaust. Ég var nottla strax búin að missa athyglina og var farin að gera eitthvað allt annað. Svo við og við þegar ég hugsaði dísis verð að fylgjast með þá fannst mér hann alltaf vera að tala um það sama...keywords og location. Hefði kannski átt að fylgjast betur með því að núna er ég að reyna að skrifa verkefni um þetta og ekkert situr eftir - úúú..nema GOOGLE HELL...vissi ekki að það væri til.

 

Er líka að gera verkefni með Listaháskólanum, þar sem að við erum að koma með hugmynd af einhverju nýju eða betrumbættu og vinnum það svo með Listaháskólanum. Þemað er ÍSLAND. Við Hilur erum svo frjóar að við erum komnar með margar blaðsíður af hugmyndum, reyndar hver annari ömurlegri..haha!

Neinei, við erum komin með eina sem að verður gaman að vinna með...eða vonandi. Fyrsti hittingur með listafólkinu er svo á föstudaginn.

Þar sem að ég er að læra fyrir próf er komin tími til að opna þessa síðu...Síðast var það myspace  núna verður það þetta !

Var að fatta það núna að þetta verður næst síðasta próf sem að ég tek allavega í bili og ég er eiginlega bara mjög glöð með það...alveg komin með leið á þessu. Enda er ég líka bara farin að vinna á fullu svo að skólinn er bara fyrir mér.

Þar sem að Maggý min er komin í skóla líka er ekki mikið gert annað en að læra og vinna á heimilinu þessa dagana. Helgin var samt undantekning þar sem að það var verið að gæsa Lilju sætu á laugardaginn. Stelpan stóð sig eins og hetja í skátabúning í Kringlunni, fór í paintball og söng og dansaði fyrir áhorfendur á Ölver.Farið var á alla skemmtistaði í bænum og svo endað á Qbar með hana þar sem að hún sýndi hæfileika sína sem magadansmær. 

Fór svo og hitti stelpurnar mínar á Olíver þar sem að Vala er að fara aftur til London...alltaf svo gaman að sjá þær.

Við Maggý komum svo við á Austur Indíafélaginu og tókum með mat til Dagnýjar....Rosa kósý kvöld. 

 

jæja...lét undan þrýstingi.....

www.myspace.com/evabg80

 

sjáum hvað þetta endist lengi...finnst ég samt vera voða speisuð...

 Annars allt rosa gott bara, er stödd í Berlín með ömmu og er sko alveg að fíla þetta....

-EB-

Hún elsku fallega, klára og hæfileikaríka VALAN mín er 27 ára í dag....

Vona að þú eigir yndislegan dag mín kæra....

 

Þú ert 90´s barn ef þú:

Þú getur klárað þessa setningu [ice ice _ _ _ _ ]

Þú manst eftir því þegar það var ennþá spennandi að vakna á laugardagsmorgnum til að horfa á barnaefnið...

Þú færð ennþá "urge" til að segja "NOT" á eftir næstumþví öllu

Það var gert út um málin með "steinn skæri blað" eða "ugla sat á kvisti"...

Þegar lögga og bófi var daglegt brauð

Þegar við fórum í feluleik þangað til við gátum ekki meir

Þegar við vorum vön að hlýða foreldrum okkar...

Þú hlustaðir á útvarpið allan liðlangan daginn til að bíða eftir uppáhaldslaginu þínu, til að taka það upp á kasettutækið..

Þú manst eftir því þegar Super Nindendos og Sega Genisis urðu vinsælir

Þú horfðir alltaf á America's Funniest home videos

Þú horfðir á Home Alone 1, 2, og 3 og reyndir að gera sömu trikk

Þú manst eftir því þegar Jójó voru kúl

Þú horfðir á Batman, Aladín, Turtles og Pónýhestana...

Þú manst eftir sleikjóunum sem voru á hring til að hafa á puttanum..

Þú manst þegar það áttu ekki allir geislaspilara

Þú bjóst til gogg þegar þú varst lítill...

Þú áttir tölvugæludýr

...eða Furbie

Þú hefur ekki alltaf átt tölvu, og það var töff að vera með Netið

Og Windows '95 var best

Michael Jordan var aðal hetjan..

Kærleiksbirnirnir

Þú safnaðir lukkutröllum

Og áttir vasadiskó

Þú kannt Macarena dansinn utanað

Þú veist af hverju 23 er kúl tala

Áður en að Myspace varð vinsælt,

Áður en Netið kom og enginn vissi hvað sms var..

Áður en ipod kom til sögunnar

Áður en PlayStation 2 og Xbox voru til,

Þegar strigaskór með blikkljósum voru málið

Og þú leigðir spólur, ekki dvd,

Og það var eiginlega enginn með símanúmerabirti

Og þegar við hringdum í útvarpið til að reyna að fá uppáhalds lagið okkar spilað til að hlusta á í vasadiskóinu

Áður en við áttuðum okkur á því að allt mundi breytast

jæja, komin heim eftir langt ferðalag...Við Eva vorum næstum því sólarhring að komast hingað. Ferðin gekk vel fyrir utan það að við erum ástaæðan að starfsfólkið Ryanair fær góðan jólabónus. Það var ekki séns að hagga við druslunni, nei bara borga !

Annars er ég búin að hafa það svo gott,bara búin að vera dúlla mér. Og núna er ég byrjuð að vinna...Gaman ! Þessa dagana er ég upp í Bertó en frá og með miðvikudegi verður það Baðhúsið. Svo verið nú dugleg að kíkja í heimsókn elskurnar...

Vala skvísa er að halda útskriftaboð í dag og ég hlakka ekkert smá til að sjá þau sætu hjónin...

Later, er að fara í klippingu

 
Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið. Þú ert kvikindi, en það hjálpar hversu einlægur, barnalegur og einfaldur þú ert.


MAMMA...
Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa.


Audur, Gretar, Dori...
Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.


Gulla og öll hin FALLEGU ljónin
Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.


Stella, Pabbi
Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Eva & Gurry
Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.
 
Sara
Bogmaður (22. nóvember - 21. desember): Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.


Inga Birna
Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.
 

Vala & Ingunn
Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

 Ok, Thetta passar bara ekki....allavega ekki vid mig kannski hin ljonin sem ad eg thekki...

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.